Frequently Asked Questions (FAQ)

Frequently Asked Questions (FAQ)

Sa mga lumulupyo sa Banaybanay, Davao Oriental, ania ang compilation sa mga pangutana na among natapok sa pipila ka public consultation na among nabuhat sa brgy. sa Banaybanay.


NGANO DIRI SA BANAYBANAY?

Mao kani ang dakong grasya nga niabot sa inyong munisipalidad. wala damha ang maong opportunidad nga mubalanse sa kalambuan sa tibuok mindanao. Dili lang sa pagpalambo, apil na ang dili muobos sa 10,000 ka trabaho ug ang pagtubag sa ginaantus nga 22% poverty rate sa probinsya.


KINSA ANG MUPALIT SA MGA MAAPIL UG MAIGO NGA MGA LUNA?

Ang province of davao oriental ang mupalit pinaagi sa ciri. Sila pud ang mag appraise sa inyong mga luna ug mga naglungtad nga mga kauswagan.


KAKINSA NAMO IHATAG ANG MGA PAPELES KON BUOT NA NAMO IBALIGYA ANG AMONG LUNA?

Limpyo o kon adunay problema ang inyong titulo, muadto mo una sa inyong barangay chairman ug dalahon ang mga dokumento sama sa: offer to sell, original copy sa titulo ug improvments, certified true copy sa tax declaration, deed of sale (kung naa), cocount tree status ug pila kabuok, ug sketch map. Siya ang unang mutabang sa inyo sa pag check sa mga dokumento, paglista, ug sa pag endorso. kon adunay problema inyong titulo, i-endorso mo sa tamang ahensya sa gobyerno. Kon limpyo o walay problema inyong titulo, i-endorso kamo sa accredited broker sa ciri, mao kini ang EJ OBLINA REALTY.


KINSA ANG MAAPIL SA LIBRE NGA HOUSE AND LOT?

Ang tanan maapektuhan o maigo sa maong area sa industrial park ug road network ang gantihan sa maong free high-end house and lot. pero kinahanglan muapil sa household survey. Sa diha nga pamaagi, mailhan kung kinsa ug pila kabuok ang magantihan.


UNSA ANG PAMAAGI SA PAGPALIT SA LUNA KON ADUNAY MGA AGRI-PRODUCTS: HUMAYAN, PUNONG, KALUBIHAN…UG BALAY (CONCRETE O DILI CONCRETE)

Paliton ang luna “as productive agri-land” magdepende ang presyo kung unsa ang agri-product nga naa sa luna. Kani nagpasabot nga dili pareho ang presyohan sa mga luna. I-appraise sa p.d.o. Ang inyong mga balay ug tanan improvements.


APILON BA UG PALIT ANG MGA KAHUMAYAN?

Apilon ug buot paliton ang mga kahumayan. Magdepende ang presyohan sa mga lain-laing kahumayan: corner lot, along the road/highway, or interior. Apilon ug konsidera sa mga architects or designers ang mga humayan. Puruhan adunay magamit ug adunay pud ipabilin, hilabi na ang mga mabungahon.


TAGPILA ANG BUYING PRICE?

Walay eksakto nga buying price sa rason nga dili pareho ang kahimtang sa inyong mga luna. Dili pud pareho ang mga kauswagan (improvements). Atong tabangan ang gobyerno hilabi na ang munisipalidad sa banaybanay pinaagi sa pagdesisyon ug pagtugyan sa atong mga luna nga adunay saktong kantidad base sa balaod.


UNSA ANG PAMAAGI SA RELOCATION SITE, MAKAPILI BA MI UG PWESTO?

Ang una nga 50 landowners nga adunay limpyo nga titulo nga ma-submit sa ciri, nagpasabot nga nacheck na ni kapitan ug sa primex indofel corp., adunay higayon nga makapili sa ilang buot nga lote. Ang uban, lampas sa ika-50 musunod na sa polisiya nga draw lots.


PAREHO LANG BA ANG HOUSING NGA I-GANTI SA MGA ADUNAY DAKO NGA LUNA KUMPARA SA ADUNAY GAMAY NGA LUNA?UNSA ANG PAMAAGI SA RELOCATION SITE, MAKAPILI BA MI UG PWESTO?

Pareho ang housing unit nga iganti sa tanan. Ang kalahian lang kay ang mga bayad nga inyong madawat: sa luna, sa balay, ug sa mga improvements.


UNSAON ANG NEGOSASYON SA LUNA KUNG WALA ANG PRESENSYA SA TAG-IYA (LANDOWNER)? UNSAON PAG PALIT SA YUTA?

Kinahanglan adunay special power of attorney dala ang makipagnegosasyon sa yuta.


KUNG MAGKASINABOT NA SA PRESYO, UNSA ANG DALAON NGA DOKUMENTO SA PANAHON SA PAGPALIT SA YUTA?

Kinahanglan dalaon sa landowner o ang authorized nga tao ang “owner’s copy” sa titulo ug ang special power of attorney.


UNSA ANG PAMAAGI SA PAGBAYAD SA YUTA?

Sa panahon sa pagbinayranay, papirmahon ang landownwer/authorized person sa deed of sale atubangan sa presensiya sa mga abogado sa ciri ug diha mismo ihatag ang tseke.

_column]